Derfor er det bra at Dagen møter feministpresten som ber til Allah

I helga vanka det kritikk frå redaktør i Indremisjonsforbundets organisasjonsblad, Sambåndet, Petter Olsen, av at vi her i avisa nyleg publiserte eit omfattande intervju med den kontroversielle Dnk-presten Gyrid Gunnes. 

Kritikken dreidde seg ikkje om kvaliteten på intervjuet, men at ein prioriterer plass til stoff som i mangt går på tvers av avisa sin uttalte teologiske profil.

Det er truleg kjent for mange lesarar at Gunnes over tid har søkt mediemerksemd gjennom ei lang rekke oppsiktsvekkjande utspel. Til dømes har ho altså teke til orde for å be til Allah. Det openbert at mange av hennar stunt og den teologiske tankegangen hennar står fjernt frå Dagens teologisk konservative linje.