Den vegen høna sparkar?

Demokrati, ytringsfridom, utdanning, helse, tryggleik, velstand og rike opplevingar … Det er slike gode me gjerne legg til grunn når me skal vurdere om samfunnet vårt og liva våre er vellukka eller ikkje.

Så lenge vår eigen levemåte er komfortabel og syteslaus, er det menneskeleg å lata att augo, stappe sov-i-ro i øyro og berre bruke munnen til å eta med.

Men skylappar og munnbind held ikkje mot dei illevarslande utviklingstrekka som skyt fart i Europa. I mange år har eg for min del åtvara mot undergraving av nasjonal suverenitet, altfor låge fødselstal og utvatning av kristenarv og rettskjensle. Problema veks med stadig sterkare parallellsamfunn, organisert kriminalitet og sosiale samfunnskostnader som stig til himmels.