| Kommentar
Den norske kyrkja: Historia om eit hamskifte
Det siste, logiske trinnet i utviklinga er neppe langt unna.
I STUDIO: Leiar i Kyrkjerådet Harald Hegstad greier ut om ei orsaking som er på trappene. Men vil denne orsakinga vera nok?
Dagsrevyen, den 30. september. I studio sit Harald Hegstad. «En av de fremste i norsk kirke på teologi», er omtalen han får av journalist Jon Gelius.
I eit prideflagg-drapert studio hos rikskringkastaren fortel kyrkjerådsleiaren om bakgrunnen for at Den norske kyrkja, med biskopane i spissen, no har bestemt seg for å be alle såkalla skeive om orsaking. Kyrkja har påført dei skyld og skam.
Hegstad fortel også ope om at han sjølv kjenner på skyld og skam for teologien han inntil for få år sidan formidla.
