| Debatt
Bomba kyrkje under gudsteneste
Medan kristne var samla til gudsteneste kom flyangrepa. Generalane i Myanmar skyr ingen middel.
KYRKJEBOMBING: Også tidlegare er kyrkjer i Myanmar angripne av militære luftåtak. Her frå øydeleggjingane i St. Peter Baptist Church i landsbyen Kanan, i byen Khampat i Sagaing-regionen i januar 2024.
David Htan / AP / NTB
Søndag 8. februar gjennomførte militærjuntaen i Myanmar (Burma) koordinerte luftangrep på tre stader i den fattige Chin-staten vest i landet. I landsbyen Chinpiang vart flyangrepet retta mot ei baptistkyrkje der det var gudsteneste. Minst tre vart drepne, mange vart skadde. Kyrkja, ein skule og fleire heimar fekk store skadar eller vart heilt øydelagde.
Nådelaus herjing
Kyrkjer og sivile samfunn i heile Chin-staten vert ramma av stadige angrep frå lufta. I Chin-staten er meir enn 90 prosent kristne. Den 14. januar vart ei katolsk kyrkje og ei baptistkyrkje i landsbyen Lente øydelagt i eit luftangrep. Også buddhistiske kloster er under angrep.
