Barth Eides såkalla tydelege innlegg om Israel har minst ein tydeleg hake

Fredag fekk vi det norske innlegget i Den Internasjonale Domstolen i Haag, der Noreg som ein av 50 statar skulle gje sitt perspektiv på dei folkerettslege sidene ved den israelske okkupasjonen.

Målet med denne gjennomgangen er å greia ut ei mengd ulike folkerettslege spørsmål, og konklusjonane skal i neste omgang danna grunnlaget for fredsforhandlingar mellom partane den dagen det vert aktuelt.

På Regjeringa sine heimesider kan vi lesa ein offensiv utanriksminister slå fast at «den israelske okkupasjonen og de folkerettsstridige israelske bosetningene er de største hindrene for en tostatsløsning, som er den eneste løsningen på konflikten mellom Israel og Palestina».