Frispark
VANSKELEGE VAL: Vi høyrer om familiar som må velje mellom å bruke pengar på mat eller straum, og at det ikkje er uvanleg å måtte hoppe over eit måltid, skriv Kjersti Toppe.
Sara Johannessen Meek / NTB
Barnetrygd for alle
Barnetrygda er ein av våre eldste universelle trygdeordningar. Den kom på plass like etter 2. verdskrig tok slutt, og blei innført av Einar Gerhardsens andre regjering.
Vi kan lett førestille oss kor viktig dette var for familiane i denne etterkrigstida. Landet skulle gjenreisast, det var heilt sikkert tøffe prioriteringar. Då satsa dei altså på barnetrygd for alle.
Det var med å utvikle velferdsstaten slik vår generasjon kjenner den. Sterke fellesskap, støtta opp av universelle velferdsordningar som gjeld for alle.
