Avmakt og asymmetri i Den norske kyrkja

Avsløringane om at kyrkjepolitikar Therese Egebakken har kjent seg overvaka og kontrollert, gjer inntrykk. 

Særleg fordi dei involverer både Stavanger-biskop og preses, Olav Fykse Tveit. Saka røper dessutan at det kan vera like vanskeleg å akseptera interne kritikarar i ein såkalla «raus og romsleg» progressiv kontekst som i konservative miljø. 

Kyrkja har ord på seg for å vera profesjonell og ryddig. Samanlikna med det lågkyrkjelege, har folkekyrkja økonomi til å ha omfattande prosessar på det meste. I tillegg har ho prioritert å halda seg med formelle strukturar som i mangt liknar offentleg sektor.