ALKOHOL: Det er eit udiskutabelt faktum at det er ein sterk samanhang mellom pris, lett tilgang og alkoholbruk, skriv Robert Seth.
Gorm Kallestad, NTB Scanpix
Alkohol , logikk, politikk
I samband med julebordsesongen har politiet alt vore ute med sine åtvaringar, når det gjeld trafikken. Det er ei kjensgjerning at mange liv har gått tapt, på grunn av ein sjåfør som kom frå julebord. For ikkje mange dagane sidan, sat eg saman med ein kjenning. Han og kona hadde vore innbeden til ei festsamkome fleire gonger, men no syntes dei at det meir og meir blei ei flau forestilling.
Kunnskapen om at alkoholen er hovedårsaka til dei sosiale problema i vårt land, skulle no vera velkjend. For fleire år sidan vart det rekna med at alkoholrelaterte skader og sjukdomar kosta det norske helsevesen 20 milliarder per år. Helsevesenet er pressa og sterkt stressa. Alle politiske parti vil gjerne vera den beste på helse- og eldreomsorg.
Det er eit udiskutabelt faktum at det er ein sterk samanhang mellom pris, lett tilgang og alkoholbruk. Sjølv om ein del politikarar ikkje vil innsjå dette.
Til vanleg vil kunnskap og erfaring danne grunnlag for praktiske tiltak, slik er i alle høve næringslivet oppbygt. Og med tanke på dei enorme samfunnsmessige skade, alkoholen og narkotika er årsak til, vil det vera logisk å spørja kva som kan gjerast for å demme opp for desse skadane. – Det er vel ei kjensgjerning at det er alkoholen som fører inn til dei sterkare narkotiske stoffa.
