Ta vare på Europa

Boka er på 340 sider, og sidene er store, og skrifta er lita, og layouten kompakt. Ingen bilete. Det krev litt guts for å gå i gang med eit slikt leseprosjekt. Men det er verd innsatsen! Forfattaren (fødd 1947) har vore ambassadør og diplomat i ymse land, mellom anna i Saudi-Arabia. Etter den perioden kom boka «Terrorens rike» (2017).

Aust og vest

I denne boka tek han føre seg tre andre land der han har vore stasjonert; Polen, Serbia og Nord-Makedonia. Men like interessant og lærerikt er alle passasjane der han omtalar det ein kan kalla det europeiske prosjektet, og ikkje minst tilhøvet mellom aust og vest i Europa.