Det er omtrent eit «sølvbryllaup» (25 år) sidan boka kom ut første gongen (1998). Kva som er nytt og kva som utgjer det utvida stoffet i nyutgåva, har eg ikkje oversikt over. Men det har vore ei god oppleving å lesa denne nye.
Anne og Per Arne Dahl har snart vore eit ektepar i femti år. Denne milepælen har me to her i huset nettopp passert. Derfor er det ikkje enkelt å skulle melda og kommentera ei slik bok berre ut frå litterære eller det ein kan kalla faglege kriterium. For dette går jo rett inn i liv og kvardag hjå den som les.
