Anmeldelser
UTFORDRAR OM ÅNDSKAMP: Olof Edsinger skriv om eit tema mange unngår på ein måte mange vil ha utbytte av.
Sølve Depui Aksnes
På tide å ta den alvorspraten om åndskamp?
I mange kristne samanhengar er «åndskamp» blitt ein standard-vits når kaffimaskina streikar eller kopimaskina har hengt seg opp. Olof Edsingers nye bok får oss på sporet att og kan fort vekkja debatt.
Den produktive svensken Olof Edsinger (f. 1976) er ute med ein ny tittel på norsk, «Farlige for fienden – En bok om den åndelige kampen og hvordan den kan vinnes».
Boka kom ut på svensk tidlegare i år, og er på dei siste månadane blitt ei av dei mest populære på den svenske kristne bokstrøymetenesta Keystory, ifølgje forfattaren. Det er ein indikator på at han har treft ein nerve i kristenfolket med denne boka, som også bør bli etterspurd her til lands.
Edsinger sjølv meiner at fenomenet åndskamp ikkje er noko som kristne fornektar, men noko det er altfor lite konkret kunnskap om. Han synest dessutan motivert for å skriva denne boka for å auka det generelle medvitet om noko Bibelen snakkar svært ope om.
