Ole Kallem – ein ukjent vekkingsmann

Når eg har lese kyrkje- og organisasjonshistorie, har eg fleire gonger møtt på Ole Kallem. Eg har forstått at han verke i ulike samanhengar, både som emissær og som talar for avhaldssaka, men eg har aldri fått skikkeleg tak i kven denne mannen var – og eg har enda mindre oppdaga omfanget av verksemda hans og kor sentral han var i si tid. Før no!

Fortener fleire lesarar

Ove Sandvik, som er forkynnar i NLM, har skrive eit hefte eller ei bok om mannen. Boka er enkel i sitt utstyr, men ho er viktig etter sitt innhald. Historia om Ole Kallem fortener å vert langt meir kjend enn ho er, og difor fortener også denne boka langt fleire lesarar enn ho til no har fått. Boka har undertitlane «Husmannen som blei landsevangelist» og «Historien om Ragnhild og Ole Kallem».