Merkeleg fabel

Mona Høvring si nye bok er ein festleg leik med ord og språk, men relativt meiningslaus elles. I fabelen introduserer ho oss for ein vanleg uvanleg familie, med desse namna:

Faren er August Augustus Vulgaris. Han er sjømann, og tek seg ofte ganske lange økter til sjøs. Mora får me ikkje vita namnet på, og ho har dessutan reist frå dei andre i familien for å hjelpa folk til å skjøna livet og å skjøna seg sjølv, ein eller annan stad i Sør-Amerika. Etter ei tid vert ho utsliten av dette, og ender opp som nonne i eit kloster i dei italienske Alpane. Kvart år, i alle fall i starten, får borna postkort frå henne.

Borna, det er Eva, den yngste av tre, og brørne hennar Terje Eddipus og Fråid. Mykje av boka handlar om han, korleis han har det og korleis han tar det.