Anmeldelser
KJENDE VEKSTER: Mange ulike vekster er svært godt kjende, både frå Bibelen og dei to landa Torstein Johannes Haugen fortel om, som kveite, mais, løk, lin, aprikos, fiken (bildet), einer, seder, roser, skriv Paul Odland.
Adobe Stock
Med kjærleik til alt som veks
Kjærleiken både til Bibelen, til Israel og til Etiopia skin sterkt og klart gjennom i alt han skriv.
Sivilagronom og misjonær Torstein Johannes Haugen har skrive bok om alle slags planter og vekster ein finn omtalt i Bibelen. Det er ikkje få! Og så held han dei bibelske funna saman med floraen i Israel – og ikkje minst i sitt kjære Etiopia.
Det er endåtil eit eige kapittel der han fortel om fruktslag som no veks både i Israel og Etiopia, men som ikkje er nemnde i Bibelen. Til dømes avocado, banan, kaffe, mango, papaya.
Det er inga handling i boka. Ho er meir å rekna som ein flora eller eit planteleksikon. Og så skin det sterkt og klart gjennom i alt han skriv, kjærleiken både til Bibelen, til Israel og til Etiopia.
