Krossen, sverdet og kyrkja: Kan vi be om at fienden må døy?

Korleis kan kristne syngja og be om at andre menneske skal døy? Og korleis kan kyrkja velsigne vald i Guds namn? Og korleis kan ho la seg bruka som politisk reiskap for verdslege mål?

Dette er dei ubehagelege spørsmåla den amerikanske teologen George E. Demacopoulos stiller i si nyaste bok.

Det er lett å tenkja at her må konteksten vera Russlands krig mot Ukraina, og Den ortodokse kyrkja sin rolle i det. Men det stemmer berre indirekte. Utgangspunktet er snarare Den russisk-ortodokse kyrkjas «moderkyrkje» – den som i meir enn 1.000 år styrte alt trusliv i aust-romarriket.