Museum of the Bible
Kristen familie reiser gigantisk bibelmuseum
Eldgamle bibelmanuskript og bibelen til Elvis Presley er mellom gjenstandane som den styrtrike kristne Green-familien sørgjer for å vise fram midt i Washington D. C.
Berre tre kvartal frå Capitol Hill, der den monumentale amerikanske kongressbygningen ligg, er arbeidet i full gang. Museum of the Bible blir på åtte etasjar og får eit arel på nesten 40.000 kvadratmeter. Planen er at det skal stå ferdig i november neste år.
I skuggen for den steikande sola står Edward Morales frå Puerto Rico saman med kjærasten. Ho snakkar i mobiltelefon. Han nølar litt på spørsmål om han veit kva som er i ferd med å ta form.
– Det var noko med ei kyrkje, seier 28-åringen.
