Engasjerande om Jesusrørsla og 70-åra

1970-talet var på mange måtar eit radikalt, uroleg og engasjert tiår. Etterkrigstida med sine reguleringar og si atterreising hadde ebba ut, og 1968-opprøret vorte ei startgrop for nye idear og nytt engasjement på ulike område.

Vi fekk det politisk venstreradikale AKP (m-l), EU-debatten, oppstand mot krigen i Vietnam, eit nytt natur- og miljøengasjement og meir til, og midt i alt dette fekk vi karismatiske straumdrag og Jesusrørsla, som også hadde noko av opprøret i seg.

Inger-Lise Finstad var del av dette, ikkje minst Jesusrørsla, og ho skildrar i denne boka på ein engasjert, lettfatteleg og personleg måte 70-åra og si eiga erfaring, særleg frå kristne miljø.