Anmeldelser
PANDORAS ESKE: Samfunnsdebattant og barnelege Ola Didrik Saugstad.
Alice Tegle
Eit vekkjarrop av ei bok
Saugstad har vorte delvis pessimistisk på forskinga og vitskapen sine vegner, fordi det etiske perspektivet ikkje vert vareteke.
Professor Ola Didrik Saugstad si nye bok, «Pandoras eske», er eit vekkjarrop av ei bok. Det er også ei kunnskapskjelde av ei bok under tema «Mennesket & Bioteknologien», som undertittelen lyder.
Saugstad som no er pensjonert professor, har delteke i samfunnsdebatten i snart 50 år, særleg med tanke på det som gjeld livsrett og menneskeverd. Då står abortspørsmålet og bioteknologien sentral, men her utvidar han temaområdet til stor breidde når det gjeld menneskesyn og menneskeverd.
Tenking bak utviklinga
