ALL IN: Zena Elizabeth Curtis (23) tok imot Jesus under The Send i Michigan i 2023. No er ho stab ved UIO Rogaland
Helene Reite Uglem
Var vakt på The Send: – Alt rundt meg forsvann
Zena Elizabeth Curtis (23) sitt liv var prega av narkotika, prostitusjon og ein tung depresjon då ho stod vakt på The Send i 2023.
Vinden tek tak i sveisen til 23-åringen utanfor Ungdom i oppdrag (UIO) sin base i havgapet på Sola.
For to år sidan låg livet i grus. Ho sat i ei ròten campingvogn, hadde nådd botnen, og kom seg ikkje ut.
I dag heng det eit stort kors over ei endå større tatovering, og smilet går liksom ikkje vekk.
