STRIKK I STRID: KPK-Ukraina sender kle til eit krigsherja Ukraina kvar månad. Fleire leverer heimestrikka plagg.
Helene Reite Uglem
Strikke-boom for krigsramma: – Det tar heilt av
Nødhjelpsorganisasjon har mista teljinga på kor mange heimelaga plagg til Ukraina som renner inn kvar veke.
Madrassar, syklar og barnevogner står stabla langs veggane i KPK-Ukraina sitt lager på Jæren.
Kvar månad går det hjelpesendingar frå Vigrestad til krigsramma menneske i Ukraina.
Sekk på sekk med kle, sko og leikar ligg klart. Og midt i det heile: 72 nystrikka genserar som kom inn førre veke. Det overfylte rommet kan nesten minne om julenissens verkstad.