PENSJONISTAR: Pastorparet Irene og Martin Cave ser tilbake på eit heilt liv i IMI-kyrkja Stavanger.
Helene Reite Uglem
Martin Cave (74):
– Dersom alt som er skrive om meg var sant, burde eg vore sperra inne
Likevel ser det pensjonerte pastorparet Martin og Irene Cave tilbake på den 46 år lange tenesta i IMI-kyrkja med glede og takksemd. Og dei blir ikkje sitjande i sofaen.
– Dette er heilt uinteressant, seier Martin Cave då Dagen ringjer mannen som har gått av etter 46 års teneste i IMI-kyrkja i Stavanger.
Den er nærmast som eit imperium. IMI er ein av dei største frikyrkjene i Noreg, med eigen bibelskule, barne- og ungdomsarbeid, bønnehus, ytre- og indremisjonsverksemd i vekst, svære festivalar, store, og av og til kontroversielle, namn på plattforma.
Dei var rundt 30 då Cave entra scena i 1979. I dag er IMI-kyrkja ein «familie» på 1500 medlemmar, og har spreidd seg til Tananger og Oslo.
