Kristne Michaila (24) forlét foreldra for å jobba i Red Light District 

Dei raude lysa frå bordella speglar seg i Amsterdam sine kanalar. Lukta av hasj ligg som eit teppe over området. 

Inne på ein restaurant sit ein gutegjeng og ser på medan servitøren skjer bitar av eit glasert lammelår med ein diger kjøtkniv. På andre sida av vegen, bak eit lite vindauge, står ei kvinne i badedrakt og prøver å fange gutane sin merksemd.

Enn så lenge er dei mest opptekne av lammelåret.