UNGDOMSBEDRIFT: NM-vinnarane Bordbrødrene har flytta inn i nye lokale på Orstad der dei skal halde fram med suksessen.
Helene Reite Uglem
Kristne brør blei norgesmeistrar: – Målet er å slå gjennom internasjonalt
Kryssfiner-bord i dansk design har fått bein å gå på. «Bordbrødrene» vann NM for ungdomsbedrifter. No skal tre av dei dekke bordet vidare som selskap.
Du har kanskje høyrt om dei fire B-ane. «Bordbrødrene» har sju: Bibel, bønn, brødbryting, brorskap, men også bord, boxershortsar og det dei håpar skal bli «big business» i utlandet.
Dei er på god veg. Først nådde dei maksgrensa for kva ei ungdomsbedrift kan tene skattefritt.
Nyleg fekk dei førstepris i NM for ungdomsbedrifter. Dei fem tømrarelevane ved den kristne vidaregåande skulen Tryggheim på Jæren vart kåra til «beste salsbedrift».
