BOKHANDEL: Silje Fyllingen er dagleg leiar for den kristne bokhandelen SunnBok på Stord.
Gunnhild Lønning
Kristen bokhandel fyller 50 år: – Me er som ein landhandel. Me manglar berre motorsager
Det er beint 50 år sidan den kristne bokhandelen SunnBok på Stord såg dagsens ljos. I dag står Silje Fyllingen bak disken og held liv i den vesle lokalbutikken.
Midt i Leirvik sentrum ligg eit lite kvitt hus som har stått støtt medan butikkane rundt har kome og gått. Her har den kristne bokhandelen SunnBok halde til i 50 år.
Bak disken står dagleg leiar Silje Fyllingen (46). Ho smiler når ho fortel om butikken som fleire gonger har vore på nippet til å stengja dørene for godt, men som likevel har klart seg.
– Me har hatt periodar der økonomien har vore veldig trong. Men eigarane, mellom andre Indremisjonssamskipnaden, har stilt opp og hjelpt oss vidare, seier ho.
