ELDSJEL: Irene Håland Ege er frisør på dagtid, men har via fritida si til ei teneste ho gjerne skulle delt med fleire kristne.
Alice Tegle
Irene ville bli misjonær i utlandet – men oppdraget venta i heimbygda
Når frisør Irene Håland Ege stenger salongen fredag ettermiddag opnar ho døra til noko som er ukjend for dei fleste av oss.
Det er fredag ettermiddag på Brit Ege Salongen i Bryne. For frisør Irene Håland Ege nærmar arbeidsdagen seg slutten.
Men medan folk flest skal heim til taco og sofakroken har Irene andre planar. Det er nokon som ventar på henne. Og ho ventar på dei.
Ho må berre innom bakehuset først. Det er stengt, men Irene har vore her kvar fredag i to år. Ho kan koden.
