SAKNAR MOTIV: Israelske styres
...
SAKNAR MOTIV: Israelske styresmakter saknar bilete av Hamas–krigarar og utskytingsrampar i internasjonale media. Mange pressefolk avviser påstandar frå kollegaer om at grunnen er press frå Hamas. Foto: Byline stor
Avviser påstått Hamas–sensur
Del
Israelske styresmakter saknar bilete av Hamas–krigarar og utskytingsrampar i internasjonale media. Mange pressefolk avviser påstandar frå kollegaer om at grunnen er press frå Hamas.

Fleire utanlandske journalistar fortel at dei ikkje våga å formidle sanninga om det som skjedde i Gaza , skreiv Dagen på laurdag.

Den israelske nettavisa Ynetnews.com hadde snakka med fleire reportarar som fortalte om trugsmål og restriksjonar frå Hamas.

Organisasjonen Foreign Press Association (FPA) kom mandag med en sterk protest der den anklager Hamas-representanter for å hindre journalistene i å utføre arbeidet sitt, opptre bøllete og truende og benytte uortodokse metoder overfor utenlandske journalister som har dekket krigen mellom Israel og Hamas på Gazastripen.

Andre pressefolk som har vore i Gaza, avviser bestemt at dei vart utsette for press eller opplevde innskrenkingar på fridomen til å utføre arbeidet sitt.

710 journalistar

Den israelske avisa Haaretz har laga ei omfattande sak der mange av desse kjem til orde. 710 utalandske journalistar drog inn i Gaza i løpet av dei fire vekene den israelske militæroperasjonen varte. Berre ei handfull av desse har hevda at dei vart truga av Hamas eller skaffa seg fotodokumentasjon av rakettar som vart avfyrte frå sivile område som dei ikkje publiserte, skriv avisa.

Se video: Indisk TV-team filmet oppsetting - og avfyring av Hamas-rakett

– Konstruert kontrovers

Bakgrunnen var at Israels statsminister Benjamin Netanyahu sist veke hadde eit møte med internasjonal presse.

– No når pressefolk forlet Gaza og ikkje lenger er underlagde Hamas´restriksjonar og trugsmål, reknar eg med at vi vil sjå endå meir dokumentasjon av Hamas–terroristar som gøymer seg bak sivilbefolkninga, og utnyttar sivile mål til eigen fordel. Eg meiner det er veldig viktig at sanninga kjem ut, sa Netanyahu.

– Dette er ein konstruert kontrovers, kommenterte ein reportar som var tre veker i Gaza. Som dei fleste av kollegaene sine som er blitt spurte om saka, vil han vere anonym. Journalisten meiner Netanyahu prøver å underbyggje eit inntrykk av at mediedekkinga er skeiv og medverke til at det framstår som om han har rett.

Stor fare

Pressetalsmann Yigal Palmor undrar seg over korleis Hamas kunne sende over 2.500 rakettar og granatar frå Gaza mot Israel utan at meir enn éin journalist frå den indiske tv–kanalen NDTV har fanga det på film.

– For eit nonsens, responderer ein seniorkorrespondent som har base i Israel. Han meiner det nærast er utruleg at den indiske fotografen fekk opptaket.

– Det finst stader som ganske enkelt er for farlege, og ein fotograf må først verne seg sjølv, seier han til Haaretz.

Ein europeisk fotograf fortel at han aldri såg ein utskytingsrampe, men såg mange rakettar i lufta.

– Og dei bileta vart publiserte. Dersom eg hadde hatt sjansen, ville eg ha fotografert rampar, men dei er godt gøymde. Israel, med alle sine sensorar og droner, fann ikkje alle, seier han.

Ein veteran innanfor krigsjournalistikk fortel at han beskreiv Hamas–krigarar han såg, men legg til at det var få av dei. Det minte han om Libanon–krigen i 2006 då det var få Hizbollah–krigarar å sjå, sjølv rett ved grensa mot Israel. Det same opplevde han i Irak i 2003.

Facebook–diskusjon

I ein Facebook–diskusjon mellom fleire norske journalistar skriv VGs Rune Thomas Ege, som sjølv var i Gaza, noko av det same.

«Kilde- og sitatutvalget i Dagen-saken er så skralt og skjevt at den nesten blir parodisk. Men det kan vi la ligge», skriv han om artikkelen som stod på trykk i laurdagsavisa.

«Vi opplevde bare én begrensning på hva vi kunne gjøre/hvor vi kunne dra i Gaza: IDFs flygeblader som ba folk forlate enkelte områder eller oss om å holde oss på hotellet pga opptrapping i angrep. Det handlet ikke om sensur, det handlet om sikkerhet», held han fram.

Ville flykta

Ege skriv vidare: «At det finnes få Hamas-bilder er helt naturlig. Det er så mange israelske droner i lufta over Gaza at den konstante summingen høres overalt, alltid. I tillegg har du luftskip med avanserte overvåkningssystemer, fly og helikoptre. Vi så flere ganger raketter bli skutt opp noen hundre meter i en eller annen retning fra oss. Det raskeste israelske motangrepet jeg opplevde, kom etter 10-12 sekunder. Så god oversikt har de. Hvis en journalist ser Hamas-krigere, har Israel sett dem for lenge siden. NDTV-bildene tipper jeg er ren flaks. Hadde jeg selv sett Hamas-krigere med raketter, hadde jeg kommet meg langt unna. Ikke fordi jeg er redd Hamas. Men på grunn av IDF-motangrepet som trolig bare er sekunder unna».

Ikkje imponert

Søndag morgon rapporterte TV2s Pål T. Jørgensen frå Gaza om den pågåande situasjonen.

– Det er heilt greie arbeidsforhold her, men det er fleire utanlandske journalistar som har blitt kasta ut av Gaza fordi Hamas ikkje likar det dei har skrive eller sagt. Vi har fått streng beskjed om at dersom vi filmar at Hamas fyrer av raketter eller at dei skyt, så får vi alvorlege problem og vert utviste frå Gaza, sa Jørgensen.

VG–reportar Ege meiner ting kan ha endra seg frå då han var der, og krigen var på sitt mest intense.

«Når presset fra fienden minker, finner man andre å få ut aggresjon på», skriv han i ein kommentar til intervjuet med Jørgensen.

Den israelske pressetalsmannen Yigal Palmor er i alle fall ikkje imponert over det som vart rapportert.

– Vi veit at Hamas prøver veldig hardt å skjule seg, ikkje berre av omsyn til eigen tryggleik, men også for propagandaføremål. Vi har høyrt om reportarar som har sagt at dei ikkje fekk kome nær krigarar og at dei vart truga. Men dette er A–laget av profesjonelle krigsreportarar. Korleis lykkast Hamas så fullstendig? spør Palmor.

hamas-sensur,journalister,hamas,gaza-konflikten