Jon Fosse er blitt katolikk
Jon Fosse er sist i ei rekkje kulturpersonar som har valt å konvertere til katolisismen.
- No er eg på ein måte komen heim. Eg opplever at den katolske messa gjer meg godt, i motsetnad til den protestantiske, som aldri har har gjort meg noko godt, seier forfattar og dramatikaren til Syn og Segn. Han har vunne ei rekkje prisar, blant dei Nordisk råds litteraturpris.
Gjekk til kvekarane
Etter å ha meld seg ut av statskyrkja var han ein periode med kvekarane i Bergen.
Artikkelen fortsetter under annonsen.
- På 80-talet var eg innom den katolske kyrkja både i Bergen og Oslo. Eg funderte på å melde meg på eit konvertittkurs. I staden enda eg opp hjå kvekarane i Bergen. Dei har eg alltid kjend meg nær, og dei kjenner eg meg framleis nær. Men i dag er det noko ukvekarsk over det å vera kvekar, dei er vorte så sekteriske. Skal ein fyrst fjerna alt, slik at berre det tause møtet i sirkelen står att, er det lettare for ein usosial fyr som meg å vera ein av mange i Stefansdomen enn ein av fire i ein kvekarring, seier han.
Vart konfirmert
Men ved jonsoktider i år blei Jon Fosse konfirmert i St. Dominicus på Majorstua i Oslo. Tidlegare Høgre-politikar Lars Roar Langslet var vitne i konfirmasjonen.
I februar i år skreiv Dagen om filosof Nina Karin Monsen som konverterte til katolisismen. Blant dei som har valt same veg er journalist Gerhard Helskog og professorane Hans Fredrik Dahl og Janne Haaland Matlary. DAGEN