Hareide krev kyrkjeasyl-svar frå justisministaren
- Eg er opprørt, seier KrFs partileiar Knut Arild Hareide om at ei iransk kvinne vart henta ut av kyrkjeasyl i helga. No ber han om svar frå justisministar Anders Anundsen (Frp).
- KrF kjem til å stille spørsmål umiddelbart til justisministaren for å be han gjere greie for kva som har skjedd i Kristiansand, seier Hareide til Dagen.
Politiet gjekk laurdag inn i Filadelfia Kristiansands lokaler og henta ut en 56 år gamal iransk kvinne som har vore snart to år i kyrkjeasyl.
Artikkelen fortsetter under annonsen.
Les også: Justisministeren påpeker at kirkeasylanter ikke er trygge i menighetsbygg
Frykta innstramming
Hareide understrekar at han berre kjenner saka frå media. Men det han har høyrt, opprører partileiaren.
- Dette strider heilt med den kyrkjeasylordning vi har hatt i Noreg. Vi har hatt respekt for at dette er eit heilagt rom der politiet ikkje går inn og opptrer som om det skulle vore eit kva som helst hus. Eg frykta at regjeringa skulle stramme inn på kyrkjeasylordninga då eg såg regjeringserklæringa.
I regjeringsplattforma til Høgre og Frp heiter det at «Det vil være regjeringens syn at kirkerommet ikke skal brukes til kirkeasyl». Justisministar Anders Anundsen forsvarer politiets handlemåte i Kristiansand.
- Ikkje-vigsla menighetsbygg kan ikkje brukast til kyrkjeasyl, seier Anundsen til Vårt Land.
Han varslar at fleire kyrkjeasylantar som sit i ikkje-vigsla menighetshus kan bli pågripne og sendt ut av landet.
Hareide understrekar at kyrkjeasyl ikkje er ei god ordning verken for kyrkjeasylanter, kyrkjelyd eller samfunn.
Artikkelen fortsetter under annonsen.
- Jo færre kyrkjeasylsaker ein har, dess betre er det.
- Veldig alvorleg
Han rettar ei åtvaring mot regjeringa.
- Prinsippet er viktig, og det har vore ein del av vår innvandrings- og intergreringspolitikk. At den blåblå-regjeringa endrar det med eit pennestrøk er veldig alvorleg.
- Ikkje vigsla
Politiadvokat Morten Urdal Johnsen ved Politiets utlendingsenhet i Oslo seier til NTB at kvinna vart pågripen inne i et frittliggjande bygg som kyrkjelyden disponerer.
- Det blei vurdert slik at det ikkje var eit vigsla bygg, og at ein difor også hadde høve å gå inn, seier han.
Bygget er eit av tre som kyrkjelyden disponerer i Marvika i påvente av nytt kyrkjelydssenter i sentrum av Kristiansand.
Artikkelen fortsetter under annonsen.
- Politiet viser til at det ikkje var eit vigsla hus, Hareide?
- Eg opplever at dette blir sett på som ei kyrkjeasylsak, og eg forheld meg til det. Eg kjenner ikkje meir til husets historie, seier Hareide.
DAGEN
Kyrkjeasyl
Kyrkjeasyl er kyrkja som fristad for forfølgde.
I desember i fjor satt minst 15 personer i kirkeasyl. Av dei var ni vaksne og seks born, ifølgje ei oppteljing Dagen gjorde.
Kyrkjeasyl fekk fornya aktualitet i 1990-åra då flyktningar som hadde fått avslag på asylsøknad søkte tilflukt i norske kyrkjer.
Det er ikkje nokon formell avtale om kyrkjeasyl, men politiet har respektert kyrkjeasylet ved at dei ikkje har gått inn i kyrkjer og pågripe kyrkjeasylantar.
Kjelder: Dagen, snl.no