Fekk fem millioner til nytt orgel

Med ei svær gåve frå Bergens rikaste mann har Knarvik nye kyrkje fått nytt kyrkjeorgel. Kantoren er overvelda.

– Det er ei fantastisk gåve som varar i verdi og står seg i hundrevis av år, sier kantor Odd Leif Mjøs til avisa Nordhordland.

LES: Startet med en isbre – priset for trosopplæring

Orgelet, som er det største i heile regionen, skal takast i bruk og vigslast i morgon, først på gudstenesta ved biskopen, og seinare på kvelden då det vert stor konsert. Kantor i Mariakirken, Karstein Askeland, saman med sopranen Kjersti Wiik og trompetist Torstein Holmås skal bidra på festkonserten søndag.

Ja frå Mohn

– Då vi fekk ja frå Trond Mohn for pengar til orgel, var det utruleg mykje som losna for det vidare kyrkjelyds- og konsertarbeidet og bruken av kyrkja, seier Wiik til avisa.

Ho legg til at akustikken har vorte mykje betre i kyrkja etter at løparen og orgelet kom på plass.

Bergens største

Trond Mohn (72) er Bergens største private arbeidsgjevar. Som konsernsjef i det familieeigde industriselskapet Frank Mohns AS har han videreutvikla verksemda som faren grunnla i 1938 med eventyrleg suksess. Det meste av produksjonen til selskapet skjer ved fabrikkar på Flatøy i Meland kommune vest for Knarvik i Lindås, og i Fusa.

Ifølge Norsk Biografisk leksikon er Mohn ein av dei største mesenar gjennom tidene, og gåvene vert ikkje gitt på sponsormanér med krav om gjenytingar. Han har vore aktiv innan humanitært arbeid, og mange lag og organisasjonar har mottatt gåver frå Mohn.

Mest har Universitetet i Bergen og Haukeland sykehus fått, men hans bidrag til idrettsklubbar i og utanfor Bergen med vekt på breiddeidrett har samla passert 200 millionar. Han er Sportsklubben Branns største velgjerara, men har og forskuttert vegbygging, støtta kulturtiltak, miljøvern, Kirkens Bymisjon og Raftostiltelsen. Dagens Næringsliv omtalar Mohn som Bergens rikaste mann.