Dei Grøne vil gjere rusmiddel lovlege
Prest og toppkandidat Tom Sverre Tomren meiner partiprogrammet opnar for ulike tolkingar.
Miljøpartiet Dei Grøne vil at skulen skal vere livssynsnøytral og avkriminalisere rusmiddel som i dag er ulovlege.
Sokneprest og tidlegare misjonær Tom Sverre Tomren toppar partiet si liste i Hordaland og kan kome på Stortinget etter valet.
Artikkelen fortsetter under annonsen.
- Kvifor vil du kjempe for ein livssynsnøytral offentleg skule på Stortinget?
- Det er rett og slett fordi samfunnet ikkje er homogent kristent samfunn, og alle skal føle seg ivaretatt likeverdige. Vi vil ikkje ha religion ut av skulen, vi skal ikkje slutte med skulegudstenester.
Avkriminalisere
MDG vil avkriminalisere bruk av illegale rusmiddel og mindre mengder stoff til eige bruk. Innføring, produksjon og sal av narkotika skal vere straffbart, heiter det i arbeidsprogrammet.
- Kva stoff vil de avkriminalisere?
- Eit av stoffa som er nemnt er cannabis. Vi har sagt at vi vil utrede utsal av cannabis, ikkje at vi skal starte det. Eg ser ingen grunn til å røyste for ein meir liberal narkotikapolitikk, men vi treng kunnskap, for dagens politikk er katastrofal.
- Vil du slåss for meir liberal narkotikapolitikk?
- Vi vil ha meir human politikk der ein ikkje fengslar sprøytenarkomane, men handsamar dei med respekt og menneskeverd. Politiet skal heller prioritere dei som produserer, innfører og omset narkotika.
Ueinige om cannabis
Dagen skreiv først at grøn prest vil gjere rusmiddel lovleg. Tomren presiserer i etterkant at han ikkje er for liberalisering av narkotikaomsetjing. Programmet er vedteke etter drakamp mellom ulike grupper i partiet, seier Tomren. Han meiner punktet om rusmiddel gjev rom for ulike tolkingar.
Artikkelen fortsetter under annonsen.
- Eg er av dei som meinte at programmet vart for uavklart på dette punktet og eg ynskte ein skjerpa profil mot bruk og oppbevaring av cannabis.
I arbeidsprogrammet heiter det at partiet vil «utrede offentlig kontrollert produksjon og omsetning av cannabis og starte et forsøksprosjekt med strengt regulert legalt salg av cannabis/marihuana».
- Eg er i dag ein av dei som tolkar dette punktet konservativt. Eg meiner at det - lest i samanheng - ikke uttrykkjer at vi vil legalisere cannabis, men at vi ber om meir kunnskap om ulike alternativ til dagens politikk.
Han viser til at programmet er veldig tydeleg på at alle som omset, produserer og innfører alle former for narkotika skal straffeforfølgjast.
- Eg kjem ikke til å stemme for ein mindre restriktiv narkotikapolitikk om eg blir valt inn på stortinget, presiserer Tomren.
Mot surrogati og dødshjelp
Partiet vil også likestille og likehandsame alle trus- og livssynssamfunn. Gravlundar skal ikkje lenger eigast, driftast og forvaltast av kyrkjelege fellesråd, men av kommunane, meiner MDG.
Partiet er mot surrogati og aktiv dødshjelp.
DAGEN
Artikkelen fortsetter under annonsen.