Første kvinnelege biskop i nord?
Forankring i regionen og kunnskap om det samiske er viktige moment når etterfylgjaren til biskop Per Oskar Kjølaas skal velgjast. Sjansane er der for at det blir ei kvinne.
Mandag vart det kjend at liberale Per Oskar Kjølaas (65) søkjer avskil i nåde etter tolv år i stillinga. Han vart utnemnd til biskop i Nord-Hålogaland 14. september 2001, ifylgje avisa iTromsø.
Nord-Hålogalands neste biskop må ha forankring i landsdelen, men lyt óg ha evna til å manøvrere mellom liberale og konservative kyrkjelege grupper. Sjansane er små for at Den norske kyrkjas nordlegaste biskop blir ein konservativ figur.
Artikkelen fortsetter under annonsen.
Finnset Heiene?
Derimot kan det bli ei kvinne. Herborg Finnset Heiene (52), domprost i Nord-Hålogaland sidan 2005, er nok kandidat.
Ho har ei høg stjerne i delar av det samiske miljøet. Kjølaas har vore ein ihuga forkjempar for samane, ikkje berre i kyrkjelege, men også i andre spørsmål.
- Han har verkeleg brøyta veg for det samiske, seier leiar i Samisk kirkeråd, Anne Dalheim til Dagen. Ho ser sjølv gjerne at Herborg Finnset Heiene blir den neste biskopen, utan at dette har vore drøfta i rådet.
Når Dagen ringer Finnset Heiene, treng vi ikkje gjere greie for kvifor. Ho vil ikkje seie noko om korkje kyrkjebiletet i det nordlegaste bispedømet eller kva slags biskop ein treng der i den tida vi er i, men fortel at kyrkjelydar og prostar var kjend med at Kjølaas ville gå.
- Vi fekk beskjed for nokre veker sidan, seier Finnset Heiene til Dagen.
Mellom grunnane til at Kjølaas søker avskil er det at han meiner det er rett å få på plass nye krefter i samband med reformarbeidet i Den norske kyrkja.
DAGEN
Artikkelen fortsetter under annonsen.