Reiv ned De Kristne-plakater
Tre dagar fekk De Kristnes valplakatar hengje i Bergen før dei vart rivne ned. Førstekandidaten er ikkje overraska.
Tysdag ettermiddag hengteDe Kristne opp sju store plakatar for partiet og førstekandidat Trine Overå Hansen på veggen i Forum rett ved Danmarksplass, Bergens mest trafikkerte kryss.
Natt til fredag var plakatane rivne ned. Bilete av Overå Hansen og slagordet «Partiet du savnet ved forrige valg» var drege ned i den våte asfalten.
Artikkelen fortsetter under annonsen.
Sinte på valbod
- Eg hadde forventa at det skulle skje. Det er veldig sterk motstand mot ein del av sakene vi står for. Mange er glade for at partiet er her og at vi er tydelege på kristne verdiar som dei ikkje finn i andre parti, særleg iKrF ogFrp.
- Men vi merkar motstanden når vi står på valboder. Det er særleg mange som vil diskutere Israel og abort med oss. Folk blir veldig sinte fordi vi er mot abort. Det kan godt hende at det er politisk motstand som gjer at plakatane er rivne ned, seier Overå Hansen og legg til at det også kan vere reine pøbelstrekar.
- Men det var dumt, for desse plakatane var spesialbestilte til desse montera.
Ville ikkje varsle
Overå Hansen er aktiv på sosiale medier i valkampen, men bileta som vart tekne av henne framfor dei store plakatane tysdag etter middag publiserte ho ikkje på internett. Grunnen var nettopp at ho ikkje ville varsle politiske motstandarar om at plakatane var komne opp - nettopp med tanke på at dei kunne bli rivne ned.
- Eg ville ikkje seie frå, seier ho.
- Kva gjer de no då?
Artikkelen fortsetter under annonsen.
- Heng opp att nye plakatar som ikkje passar like godt i montera.
DAGEN