No kan sambuarar adoptere
Berre KrF og éin Ap-politikar stemte nei då Stortinget tysdag vedtok at sambuarar kan bli adoptivforeldre.
- Då har Stortinget gått samrøystes inn for at sambuarar skal kunne vurderast som adoptivforeldre. Ja, minus KrF, då, skriv Venstre-politikar Sveinung Rotevatn på mikrobloggtenesta Twitter.
I tillegg stemte Anne Odenmarck (Ap), vara for Marianne Aasenmot forslaget,som einaste utanfor KrF-gruppa.
Artikkelen fortsetter under annonsen.
Men, det var ikkje meininga.
- Det var rett og slett feil, og eg er glad for at fleirtalet var veldig stort. Eg beklagar, skriv ho i ein mail til Dagen.
Lovteksten skal no lyde slik: «Andre enn ektefeller eller samboere kan ikke adoptere sammen (...) Med samboere menes i denne loven to personer som bor sammen i et stabilt og ekteskapsliknende forhold.»
Sårbare barn
KrF er usamd i at sambuarar bør få adoptere, og peikar på rapportar frå Bufdir som viser at sambuarskap er langt meir ustabile enn ekteskap.
«Barn som adopteres er sårbare, og samfunnet bør legge til rette for at de skal få en trygg oppvekst med kontinuitet og stabilitet i omsorgen», uttaler Geir Jørgen Bekkevold ifamilie- og kulturkomiteens behandling av saken.
Adopsjonsforum støttar lovendringa.
- Sambuarskap er blitt mykje meir vanleg. Det betyr at sambuarskap kan vere like stabilt som ekteskap, og gi den tryggleiken som barnet treng, seier dagleg leiar Øystein Gudim.
Artikkelen fortsetter under annonsen.
Adopsjonsforum understrekar at dersom sambuarar skal adoptere, bør dei har sambuarkontrakt.
- Dei bør ha noko som er juridisk bindande, nettopp for å sikre barnet, seier Gudim.
Han reknar med at det blir slått fast i forskriftene som no skal utarbeidast.
Bare Colombia
Ikkje alle par som søker om å bli adoptivforeldre har vore klar over at det berre har vore gifte som har kunna adoptere i Noreg.
- Folk blir ofte overraska over at dei må vere gift. Det hender at folk må utsetje adopsjonsprosessen fordi dei må gifte seg. Den forsinkinga forsvinn no, men har ikkje stor praktisk betyding med mindre samarbeidsland no tillét sambuarar som foreldre, påpeikar Gudim.
Av landa Adopsjonsforum samarbeidar med, er det bare Colombia som aksepterer sambuarar som adoptivforeldre.
- Det er vårt viktigaste og største samarbeidsland.
Artikkelen fortsetter under annonsen.
Ektepar må har vore gift minst to år for å kunne søkje om adopsjon. Gudim reknar med at kravet til kor lenge sambuarpar har haldt saman ikkje vert lågare.
DAGEN
