NLA får over 1,6 millionar til utvekslingsprogram
Journalistutdanninga ved NLA Høgskolen i Kristiansand har fått godkjent søknader for økonomisk stønad til utvekslingsprosjekt med Georgia og Albania.
NLA Høgskolen melder i ei pressemelding at dei gjennom Erasmus+ Global Mobilitet si utlysning, har fått tildelt rundt 150.000 euro. Dette svarer til over 1,6 millionar norske kroner.
Tildelinga skjer i samband med ei årleg utlysning til tilsett- og studentmobilitet med land utanfor Europa. NLA sende inn tre søknader, og fekk tilslag på to. Det er journalistmiljøet i Kristiansand, ved førsteamanuensis Terje Skjerdal, som fekk godkjent søknadene sine til prosjekt med Georgia og Albania.
Artikkelen fortsetter under annonsen.
— Det er svært gledeleg for journalistikkavdelinga å få nye Erasmus+-midlar, seier Skjerdal.
— Dette er endå eit bevis på at det blir godt jobba med internasjonalisering ved avdeling for journalistikk, medier og kommunikasjon i Kristiansand. Eg håper dette kan vera til inspirasjon for andre avdelingar til å søka midlar, seier nyleg utnemnt prorektor for utdanning, Amund Langøy, i pressemeldinga.
Sikra for tre år
– Masterstudiet vårt i global journalistikk har eit internasjonalt preg, og vi ønsker å ha studentar frå ulike land. No er vi sikra utvekslingsstudentar frå Albania og Georgia i tre år framover, fortel Skjerdal.
Han fortel at samarbeidet NLA har hatt i to år med institusjonen GIPA i Georgia har gagna studiet. I tillegg til studentar frå Georgia, har òg studentar frå Aserbajdsjan og Armenia vore på utveksling ved NLA.
– Utvekslingsavtalen med Albania er ny, men høgskulen har hatt forskingssamarbeid med University of Tirana i nokre år, og det var nok noko av grunnen til at NLA fekk tilslag på søknaden, meiner Skjerdal.
NLAs internasjonale prosjekt
Leier for internasjonalisering ved NLA, Mari Sagulin fortel at det er tredje år på rad at NLA får midlar gjennom Erasmus+ Global Mobilitet. Ho fortel vidare at vi i dag har fleire prosjekt gjennom denne finansieringa både i Kirgisistan, Uganda, Ghana, Kosovo og Georgia, og no òg Albania.
Rektor Egil Morland er òg svært fornøgd med tildelinga.
— Dei fleste av desse prosjekta er knyta til Global Journalistikk ved Skjerdal. Dette miljøet har verkeleg inspirert oss til både å søka om eksterne middel, og ha tru på at det kan lykkast forteljar Morland.
Artikkelen fortsetter under annonsen.
– Det har stor tyding for NLA sin respekt at vi klarer å få ekstern finansiering til nokon av prosjekta våre, legg han til.
