Eit nytt Amerika er på veg
Den typiske amerikanaren vert gråare i håret og mørkare i huda. Endra alderssamansetjing og meir etnisk mangfald gjer at USA raskt får nye karaktertrekk.
«To drama i sakte film» er tittelen på ein omfattande presentasjon av den ferske boka «The Next America» frå Pew Research Center.
Demografiske endringar som har pågått gjennom fleire tiår, gjer at USA i ikkje altfor fjern framtid vil framstå med andre kjennemerke enn dei vi er vane med.
Artikkelen fortsetter under annonsen.
«Fleirtalet av befolkninga vår er i ferd med å verte ikkje-k vitt, og samstundes er ein rekordstor del i ferd med å verte grå», heiter det i presentasjonen. Kvar for seg er desse trendane djuptgripande nok. Når dei føregår parallelt, inneber det press på politikk, familieliv, lommebøker, velferdsordningar og samhaldet i samfunnet.
Færre barnefødslar
Alderspyramiden er i ferd med å endre fasong fullstendig. I 1950 såg han faktisk ut som ein pyramide. Dess yngre ei aldersgruppe var, dess større del utgjorde ho av totalen.
På grunn av lågare fødselstal og høgare levealder er forma i ferd med å minne stadig meir om eit rektangel. I 2060 vil det vere omtrent like mange amerikanarar over 85 år som under fem år.
For dei som er urolege for amerikansk overforbruk i ei verd med knappare ressursar, klimaendringar og naturøydelegging, kan dette framstå som gode nyheiter. Men på kort sikt gir det også problem.
Medan det i 1950 var 16 arbeidande amerikanarar for kvar som mottok sosiale ytingar av noko slag, er forholdet i dag tre til ein. Og kvar einaste dag fram til 2030 er det 10.000 amerikanarar som fyller 65 år.
Uvisse om rase
For første gong utgjer USAs etniske minoritetar rundt halvparten av amerikanarane som er under fem år gamle, melde nyheitsbyrået AP i fjor.
Artikkelen fortsetter under annonsen.
Innan 2043 er det venta at fleirtalet ikkje lenger er kvite. Stadig fleire giftar seg også med menneske som har annan etnisk bakgrunn. I 2010 hadde 15 prosent av ektepara forskjellig rasebakgrunn.
Og kva skal ein kalle menneske som har foreldre med forskjellig opphav? Det er det forskjellige meningar om.
President Barack Obama er svart, meiner 55 prosent av dei som sjølve er svarte. 34 prosent av desse meiner derimot at han har blanda rasebakgrunn. M
ellom kvite og såkalla hispanics, altså dei som er av spansktalande opphav, er det berre knapt 25 prosent som meiner Obama er svart. Fleirtalet i begge desse gruppene meiner han har «blandingsbakgrunn».
Slutt på Europa-dominans
Også blant andre amerikanske kjendisar kjem den nye etniske samansetjinga klart til uttrykk.
Skodespelaren Cameron Diaz har spansk-cubansk far og mor med skotske, irske, engelske og tyske røter.
Artisten Norah Jones har indisk far og amerikansk mor.
Artikkelen fortsetter under annonsen.
Og golfproffen Tiger Woods har afroamerikansk far og mor med thailandske, kinesiske og nederlandske røter. For å nemne berre tre.
Bla deg gjennom bildeserien øverst på siden
USA har alltid vore ein nasjon av innvandrarar. Men medan nesten ni av ti innvandrarar kom frå Europa i perioden 1900-1 960, har rundt halvparten kome frå Latin-Amerika frå 1960 og fram til i dag. No er berre rundt kvar tiande innvandrar til USA europear.
Liberale unge
Tydelege skilje kjem til uttrykk mellom dei forskjellige generasjonane. Dei eldste, som er fødde før avsluttinga av andre verdskrigen, vert kalla «the silent generation». Dei sit best i det økonomisk, men er minst komfortable med den kulturelle, sosiale og teknologiske utviklinga. Åtte av ti er kvite. Dei er dei mest kritiske til ein aktiv stat.
I denne gruppa ville avdøde president Ronald Reagan vinne størst forståing for kva han meinte var den mest skremmande setninga ein kan seie på engelsk: «Eg kjem frå styresmaktene, og eg er her for å hjelpe».
Dess yngre amerikanarane er, dess meir liberale vert dei i sosiale spørsmål. Og dess meir positive vert dei til ein aktiv stat. Men erfaringa frå «boomer»-generasjonen, som vart fødd dei to første tiåra etter andre verdskrigen, er at ein betydeleg del av dei vert meir politisk konservative etter kvart. Så gjenstår det å sjå om dette skjer også med andre.
Republikansk utfordring
Artikkelen fortsetter under annonsen.
Dei unge vaksne, som er mellom 18 pg 33 år gamle, vert kalla «millenials». Dette er den mest samansette etniske generasjonen i USA nokon gong.
Meir enn 40 prosent av dei er ikkje-kvite. Dei er jamt over liberale i sosiale spørsmål og opne for at staten skal spele ei meir aktiv rolle. Dei er mindre religiøse enn tidlegare generasjonar, har høg utdanning og ventar med å gifte seg og få barn. Sjølv om dei er blitt vaksne i ei tid då USA har hatt betydelege økonomiske utfordringar, trur dei at deira beste år er i vente. Det same trur dei for USA.
Politisk har utviklinga fleire viktige følgjer. Demokratane står sterkare dess yngre veljarar det er snakk om. Republikanarane gjer det på si side best blant kvite og har slite med å fenge farga befolkningsgrupper. Trendane er dermed særleg utfordrande for Det republikanske partiet, som også har profilert dei mest konservative standpunkta i sosiale og kulturelle spørsmål.
Generasjonssamhald
Konfliktar er det mange av i USA.
Heile åtte av ti amerikanarar meiner det er ein sterk konflikt mellom demokratar og republikanarar. Motsett er det berre 29 prosent som meiner det er ein sterk konflikt mellom unge og gamle.
Forskarane viser til at rundt ein av seks amerikanarar i dag lever i hushald med fleire generasjonar, der dei er i stand til å løyse felles utfordringar. Greier dei å finne like stor forståing mellom generasjonane i storsamfunnet, ser dei håp om å finne vegen saman inn i ei utfordrande framtid.