Ein av ti meldte seg arbeidsledige i 2012
Dei fleste kom raskt i jobb.
I 2012 meldte 270.000 personar seg arbeidsledige hos Nav. Det svarar til rundt ein tidel av arbeidsstyrken her i landet.
- Arbeidsløyse rammar mange, og det er slett ikkje uvanleg å oppleve periodar som arbeidsledig, seier arbeids- og velferdsdirektør Joakim Lystad.
Artikkelen fortsetter under annonsen.
Til samanlikning var 66.000 personar i gjennomsnitt registrerte som heilt ledige i 2012. Nav-direktøren forklarer at spriket mellom tala viser kor mange som kjem raskt i jobb.
- Det viser at vi har ein velfungerande arbeidsmarknad. Mange opplever periodar med arbeidsløyse, men dei aller fleste kjem raskt i jobb, seier han.
(NPK)
