NY PROBLEMSTILLING: Høgsterett i Danmark, som held til på Christianborg slott i København, skal i haust ta stilling til om ei kvinne kan få oppheva statusen som medmor.
Foto: Erik Johansen, NTB scanpix
Lesbisk vil ikkje lenger vere medmor
Kan ein seie frå seg foreldreansvaret for eit barn? Det spørsmålet skal dansk høgsterett ta stilling til.
Den høgst uvanlege saka skal opp for den øvste domstolen i Danmark i starten av november.
Ein gut vart fødd i 2017 ved hjelp av ein sæddonor. Kvinna som bar fram barnet, vart registrert som mor. Partnaren hennar vart registrert som medmor, slik det også er opna for i Noreg i ekteskapslova som har vore gjeldande frå 2009.
Som medmor er ho juridisk likestilt med far. Men kort etter at guten var fødd, gjekk kvinnene frå kvarandre. Derfor har begge ønskt at kvinna med status som medmor, skal bli løyst frå denne. Dette har både by- og landretten sett stoppar for, ifølgje dansk TV2.
