Kristenhumorist fryktar islam
Rogalands kjende visesongar og kristenhumorist rykker ut med sterke åtvaringar mot «systemet islam» og fryktar motreaksjonar frå «ytterste høgre.»
Torolf Nordbø er van med å få folk til å le, men denne gongen er det ikkje så mange som dreg på smilebandet av bodskapen hans.
- Nei, eg angrar ikkje, sjølv om eg kom litt skeivt ut på min nye iPad. Eg skreiv først «muslim-frykt» i staden for «islam-frykt.» Eg fryktar ikkje muslimar, men eg har ikkje tenkt å teia om den frykta eg har for at islamsk undertrykking også skal få fotfeste på våre kantar, seier Nordbø til Dagen.
Artikkelen fortsetter under annonsen.
Søndag skreiv han på Facebook:
Angrar ikkje
Deretter hagla det inn hundrevis av «likes» og kommentarar. Mange var glade for at kjendisen tok bladet frå munnen, medan andre meinte han lefla med fårlege krefter.
Artikkelen fortsetter under annonsen.
Seks timar seinare oppsummerte Nordbø at han absolutt ikkje er rasist sjølv om han «meiner at store delar av islam er undertrykkjande.»
Til Dagen seier Nordbø at han ikkje angrar på utspelet.
- Eg hadde fått iPad, og derfor blei det litt kluss til å byrja med. Det var litt pinleg at eg skreiv «muslim-frykt» og ikkje «islam-frykt». Eg fekk retta det og står sjølvsagt inne for åtvaringane mot islam.
- Kva tykkjer du om reaksjonane på Facebook-veggen din?
- Dei fleste er vener, så dette går bra. Men eg merker meg at ingen har svart på det eg skriv om forfølgjing av kristne og kvinneundertrykking i muslimske land.
Lovløyse
Torolf Nordbø reknar seg som ein verdikonsevativ KrF-ar, tilhøyrer venstresida i partiet i fordeling- og u-landspolitikken. Han vil ha ei dobling eller tredobling av u-hjelpsbudsjettet, sympatiserer med LO, er sterk tilhengjar av velferdssstaten og ihuga motstandar av sosial dumping. Som innbitt EU-motstandar og EØS-motstandar er han kritisk til Schengen-avtalen, «som har opna grensene for omfattande lovløyse også på våre kantar.»
Ytste høgre
Artikkelen fortsetter under annonsen.
Nordbø sier norsk innvandringspolitikk er i ferd med å gå av hengslene.
- Vi må senda ut fleire tusen identitetslause. Det er ikkje vår jobb å ta inn økonomiske flyktingar. Dei fleste asylsøkarar er økonomiske flyktningar. Dei skal me hjelpa i landa dei kjem frå. Vår jobb er å hjelpa og ta imot politiske og religiøse flyktningar - særleg dei som har konvertert til kristendom.
- Kva har dette med islam-frykt å gjera?
- Av dei anti-demokratiske og totalitære straumdraga er den islamske straumdraga dei sterkaste. Dei islamske landa er dei minst undertrykkande landa i verda i dag.
- På sikt er eg redd for at islamsk tankegods representerer ein fåre for norsk rettsmedvit og demokrati. Og demmer me ikkje opp for desse straumdraga, kjem me til å få ein grusom motreaksjon på ytterste høgre fløy med nasjonalisme og rasisme. Dette ser me tydelege tendensar til i Sverige, Danmark og andre europeiske land. Historia har vist at dette fort blir resultatet når snillismen blir for stor, seier Torolf Nordbø.
DAGEN
Torolf Nordbø
Torolf Nordbø (57) er oppvaksen på Finnøy, busett i Stavanger og kjend under artistnamn som «Han Innante» og Brakkvald Tolvstøkkje fra Indre Erfjord.
Har turnert med flere revyar og gitt ut cd-ar og to dvd-ar. På 80-tallet var han frontfigur i den kristne rockegruppa Notlaget.
I 2003 fikk «Han Innante» humorprisen i Rogaland. To år seinare fekk han målprisen av Rogaland Mållag.
Har gitt ut fleire bøker, den siste ei handbok om sunt bondevett og CD-en Spor av år.
Aktuell med møte i Verdiforum Stavanger onsdag i neste veke og med fem forestillingar med «Misjonæren og hedningen» saman med Per Inge Torkildsen i Sandnes i mars. Humor med underliggande alvor om livssyn.
Også aktuell i TV2 og NRK1 denne våren.